Найбольш неадкладная задача ў цяперашні час - вывесці як мага больш персаналу з Афганістана - генеральны сакратар НАТА
Генеральны сакратар НАТА Енс Столтэнберг у аўторак заявіў, што ўрад Афганістана паў з нечаканай хуткасцю, у цяперашні час найбольш неадкладная задача НАТА - вывесці як мага больш персаналу з Афганістана.
У той дзень прадстаўнікі дзяржаў-членаў альянсу правялі ў Брусэлі спецыяльную нараду па сітуацыі ў Афганістане. Выступаючы на прэс-канферэнцыі пасля сустрэчы, Е. Столтэнберг адзначыў, што ў апошнія некалькі тыдняў афганскі ўрад паў у ваенных і палітычных адносінах з нечаканай хуткасцю. Хоць некаторыя афганскія ўрадавыя сілы "адважна змагаліся", але кіраўніцтва краіны ў выніку не змагло супрацьстаяць талібам і не дамаглося мірнага вырашэння афганскай праблемы.
Па словах Енса Столтэнберга, НАТА ўклала значныя сродкі ў Афганістан за апошнія 20 гадоў, але падзенне афганскага ўрада адбылося хутка і раптоўна, з гэтага неабходна зрабіць высновы. НАТА павінна правесці "сумленную і цвярозую" ацэнку сваіх аперацый у Афганістане.
На яго думку, найбольш неадкладнай задачай НАТА зараз з'яўляецца вывад як мага большай колькасці супрацоўнікаў з Афганістана. У цяперашні час там знаходзяцца каля 800 цывільных служачых з дзяржаў-членаў альянсу, якія дапамагаюць падтрымліваць працу аэрапорта Кабула.
Е. Столтэнберг таксама заклікаў рух "Талібан" паважаць жаданне людзей пакінуць краіну, трымаць дарогі і межы адкрытымі і забяспечыць мірную перадачу ўлады. Ён падкрэсліў, што талібы не павінны дапусціць, каб краіна зноў стала рассаднікам тэрарызму.