Дж. Байдэн мае намер вывесці амерыканскія войскі з Афганістана да 31 жніўня - СМІ
Прэзідэнт ЗША Джозэф Байдэн мае намер прытрымлівацца плана аб вывадзе войскаў з Афганістана да 31 жніўня. Пра гэта ў аўторак паведамілі амерыканскія СМІ.
Спасылаючыся на чыноўніка ў мясцовай адміністрацыі, некалькі інфармацыйныхвыданняў паведамілі, што Дж. Байдэн таксама папрасіў прадаставіць надзвычайны план на выпадак, калі пазней будзе прынята рашэнне, што амерыканскія ваенныя павінны застацца ў краіне даўжэй.
Афіцыйны прадстаўнік руху "Талібан" Забіхула Муджахід заявіў у аўторак на прэс-канферэнцыі, што Злучаныя Штаты павінны вывесці ўсе войскі і наёмнікаў да 31 жніўня.
У ліпені Дж. Байдэн загадаў завяршыць ваенную місію ЗША ў Афганістане да канца жніўня.
З тых часоў, як талібы ўвайшлі ў Кабул 15 жніўня, Злучаныя Штаты спрабуюць эвакуіраваць сваіх грамадзян і афганскіх партнёраў з гэтай краіны. Белы дом паведаміў у аўторак, што па стане на раніцу таго дня за суткі было эвакуіравана каля 21,6 тыс. чалавек.