Марока выказвае шкадаванне ў сувязі з рашэннем Алжыра аб разрыве дыпламатычных адносін
Міністэрства замежных спраў Марока 24 жніўня вечарам заявіла, што прыняло да ведама рашэнне алжырскіх уладаў аб разрыве дыпламатычных адносін з таго ж дня і выказала "шкадаванне ў сувязі з гэтым зусім неабгрунтаваным крокам".
У камюніке МЗС Марока адзначаецца, што рашэнне альжырскага боку з'яўляецца "чаканым" у сувязі з ростам напружанасці паміж дзвюма краінамі ў апошнія тыдні. МЗС падкрэсліў, што Марока не прызнае "абсурдныя падставы", якімі Алжыр абгрунтаваў свой крок.
Марока застанецца надзейным і верным партнёрам алжырскага народа і працягне развіваць здаровыя і плённыя адносіны паміж краінамі Магрыба, адзначылі ў знешнепалітычным ведамстве.
Міністр замежных спраў Алжыра Рамтан Ламамра ў аўторак абвясціў, што ўрад яго краіны вырашыў разарваць дыпламатычныя адносіны з Марока з-за доўгачасовай "варожай палітыкі" каралеўства.