Пакістан пачаў вакцынацыю медработнікаў прэпаратам кітайскай вытворчасці

У Пакістане стартавала дзяржаўная кампанія па вакцынацыі, у рамках якой усім медыцынскім работнікам у межах краіны, працаўнікам на перадавой лініі барацьбы з каранавірусам будзе зроблена вакцына ад COVID-19 кітайскай кампаніі Sinopharm. Міністр планавання і развіцця Пакістана Асад Умар падчас урачыстай цырымоніі ў Ісламабадзе падзякаваў ураду Кітая за ахвяраваную Пакістану вакцыну ад COVID-19.

У прысутнасці міністра тром перадавым медыцынскім работнікам была ўведзена прышчэпка. А. Умар заявіў, што медперсанал прыносіць вялікую ахвяру і ўносіць вялікі ўклад у барацьбу з COVID-19, у сувязі з чым урад Пакістана абавязваецца забяспечыць праходжанне медпрацаўнікамі вакцынацыі ад каранавіруса на карысць іх бяспекі.

1 лютага на ваенна-паветранай базе Нур-Хан паблізу Ісламабада Пакістану была перададзена 1-я партыя кітайскіх вакцын ад COVID-19. 2 лютага прэм'ер-міністр Пакістана Імран Хан асабіста прысутнічаў на вакцынацыі першага медработніка.

Паводле даных, апублікаваных сёння Міністэрствам аховы здароўя Пакістана, у краіне зафіксавана 1384 новых выпадкаў заражэння COVID-19, у выніку агульная колькасць заражаных дасягнула 549032 чалавек.