У ЗША "памылковыя чаканні" ад пазіцыі Пхеньяна ў дачыненні да Вашынгтона - Кім Е Чжон

Памочнік прэзідэнта ЗША па нацыянальнай бяспецы нядаўна назваў "цікавым сігналам" пазіцыю КНДР у адносінах да ЗША, выкладзеную на 3-м пленуме ЦК ТПК 8-га склікання, і гэта з'яўляецца "памылковымі чаканнямі" Вашынгтона. Пра гэта са спасылкай на намесніка загадчыка аддзела ЦК ТПК Кім Е Чжон ў аўторак паведаміла ЦТАК.

ЗША, падобна, разумеюць пазіцыю КНДР праз самасуцяшэнні, сказала Кім Е Чжон, дадаўшы, што яны толькі расчаруюць сябе памылковымі чаканнямі ад пазіцыі Пхеньяна ў дачыненні да Вашынгтона.

Генеральны сакратар ЦК ТПК Кім Чэн Ын 17 чэрвеня на 3-м пленуме ЦК ТПК 8-га склікання адзначыў, што для абароны годнасці і інтарэсаў самастойнага развіцця дзяржавы неабходна рыхтавацца як да дыялогу з амерыканскім урадам, так і да супрацьстаяння з ім, але асабліва да апошняга.

Памочнік прэзідэнта ЗША па нацыянальнай бяспецы Джэйк Саліван у нядзелю ў інтэрв'ю СМІ заявіў, што амерыканскі бок лічыць заяву лідара КНДР аб пазіцыі ў дачыненні да ЗША "цікавым сігналам". Ён падкрэсліў, што Вашынгтон гатовы ўступіць у "прынцыповыя перамовы" з Пхеньянам па пытаннях ягонай ядзернай праграмы, з тым каб дасягнуць канчатковай мэты поўнай дэнуклеарызацыі Карэйскага паўвострава.