Першая партыя вакцын ад COVID-19 кітайскай кампаніі CanSino Biologics дастаўлена ў Мексіку

Раніцай у чацвер першая партыя вакцыны ад COVID-19, кампаніі CanSino Biologics, прыбыла ў Мехіка. Пра гэта паведаміла намеснік кіраўніка МЗС Мексікі Марта Дэльгада Перальта.

Паводле яе слоў, гэта партыя вакцыны дазволіць краіне пашырыць ахоп кампаніі па вакцынацыі насельніцтва. Кіраўнік МЗС Мексікі Марсэла Эбрард падзякаваў Кітаю за аказаную падтрымку.

Мексіка пачала кампанію па вакцынацыі 24 снежня мінулага года, у прыярытэце -- медыкі першай лініі, пажылыя і іншыя групы людзей з высокай рызыкай заражэння. Плануецца ахапіць прышчэпкамі ўсю краіну да сакавіка 2022 года.

Як паведаміла ў сераду мясцовае Міністэрства аховы здароўя, агульная колькасць выпадкаў COVID-19 у Мексіцы дасягнула 1957889, смерцяў -- 169760. У праграме вакцынацыі зарэгістраваліся ўжо звыш 4,38 мільёна чалавек.