У аўторак у Доме дружбы ў Мінску адкрылася фотавыстава, прысвечаная 60-годдзю ўтварэння КНР. Тэма выставы - "Кітайскі калейдаскоп - карціны сучаснага жыцця". Арганізатарам выставы выступае амбасада Кітая ў Беларусі.
Пасол Кітая ў Беларусі Лу Гуйчэн, адкрываючы цырымонію, сказаў, што прадстаўленыя ў экспазіцыі фотаработы адлюстроўваюць новае аблічча сучаснага Кітая і жыццё простых людзей. Ён спадзяецца, што выстава дапаможа наведвальнікам лепш спазнаць Кітай.
Агледзеўшы выставу, намеснік міністра культуры Беларусі Віктар Кураш у інтэрв'ю кар. Сіньхуа сказаў, што фотавыстава дазволіць усебакова паказаць жыццё і дзейнасць кітайскага народу, беларускія наведвальнікі змогуць азнаёміцца як з прамысловасцю, так і з сельскай гаспадаркай, адукацыяй, мастацтвам, даведацца, як арганізаваны адпачынак кітайскіх людзей. Бачна, што фотамастакі, якія рыхтавалі выставу, не проста здымалі прыгожыя кадры, а падыходзілі да ўсіх сюжэтах творча.
Фотавыстаўка працягнецца два тыдні. -0-