Напярэдадні свята Вясны /Новы год па месячным календары/ Чэндуская база па даследаванні і развядзенні вялікіх пандаў і Нацыянальны цэнтр па даследаванні і ахове вялікіх пандаў у правінцыі Сычуань /Паўднёва-Заходні Кітай/ сабралі 24 дзіцянят панды, народжаных у 2023 годзе, на арыгінальную навагоднюю фотасесію, каб іх здымкі маглі парадаваць фанатаў з усяго свету.

Паводле афіцыйных звестак, летась у вышэйназваных установах нарадзілася 34 панды.

На працягу многіх гадоў дзве арганізацыі супрацоўнічаюць у галіне размнажэння вялікіх пандаў, захавання іх генафонду, а таксама прафілактыкі і кантролю захворванняў. Яны таксама сфарміравалі групы экспертаў для падтрымкі будаўніцтва Нацыянальнага парку вялікіх пандаў, створанага ў 2021 годзе.

Паводле даных Дзяржаўнага ўпраўлення лясной і стэпавай гаспадаркі КНР, у Кітаі агульная колькасць папуляцыі вялікіх пандаў, якія жывуць ва ўмовах дзікай прыроды, складае каля 1900 асобін. Апроч дзікай папуляцыі, глабальная папуляцыя вялікіх пандаў, якія жывуць у няволі, у цяперашні час дасягнула 728 асобін, пры гэтым летась у няволі паспяхова вывелі 46 вялікіх пандаў.