У Мінскай гарадской ратушы прайшла літаратурная вечарына, прысвечаная Міжнароднаму дню роднай мовы. Арганізатар мерапрыемства – МЗС Беларусі пры падтрымцы Канала “Культура” Беларускага радыё, міжнароднага тэлеканала “Беларусь24” і інш.

У літаратурным свяце прынялі ўдзел кіраўнікі замежных дыпламатычных місій і міжнародных арганізацый, акрэдытаваных у Беларусі, члены Нацыянальнай камісіі па справах ЮНЕСКА, прадстаўнікі культурнай грамадскасці.

Пасол КНР у Беларусі Се Сяаюн адзначыў, што “родная мова – надзвычай важная і каштоўная рэч для любога народа”. Ён таксама прачытаў урывак з верша Уладзіміра Мазго "Сакавiны".