13 верасня ноччу ў 24.00 на плошчы Цяньаньмэнь у цэнтры Пекіна завяршылася рэпетыцыя грандыёзных святочных урачыстасцяў, прысвечаных 60-годдзю ўтварэння КНР.

Як паведаміў прадстаўнік Пекінскага аргкамітэту падрыхтоўкі да святкавання, у рэпетыцыі, якая працягвалася 2 гадзіны, удзельнічалі 57 тыс гараджан. Былі адрэпеціраваны мастацкія выступленні, а таксама святочны фейерверк.

Падчас правядзення рэпетыцыі праваахоўныя органы прынялі строгія меры для забеспячэння бяспекі ў прылеглых раёнах.