Кітай заахвочвае пашырэнне супрацоўніцтва дзяржаўных выдавецкіх карпарацый з прыватнымі кампаніямі ў сферы культуры. Мэта - павялічыць колькасць выдавецкіх карпарацый з прыбыткам вышэй за 20 млрд. юаняў.

На днях Галоўнае ўпраўленне па друку апублікавала даклад па пытанні рэфармавання выдавецкіх карпарацый. У дакуменце выразна заяўлена, што да канца 2015 года павінна істотна палепшыцца дзейнасць дзяржаўных выдавецкіх карпарацый, якія працуюць па гуманітарнай тэматыцы, навуцы, тэхніцы і адукацыі. Выдавецкіх карпарацый з прыбыткам вышэй за 20 млрд. юаняў павінна быць больш. Цэнтральныя выдавецкія карпарацыі павінны ўмацаваць супрацоўніцтва з мясцовымі выдавецкімі кампаніямі і дзяржаўнымі прадпрыемствамі.-0-