Старшыня КНР Ху Цзіньтаа ў рамках 5-й сесіі УСНП 11-га склікання прысутнічаў на групавым пасяджэнні правінцыі Цзянсу (Усходні Кітай), прысвечаным абмеркаванню справаздачнага даклада аб рабоце ўрада, з якім выступіў прэм'ер Дзяржсавета КНР Вэнь Цзябаа на адкрыцці чарговай сесіі УСНП.

Заслухаўшы выступленні дэпутатаў УСНП, Ху Цзіньтаа адзначыў неабходнасць высока несці вялікі сцяг будаўніцтва сацыялізму з кітайскай спецыфікай, кіруючыся тэорыяй Дэн Сяапіна і важнай ідэяй "трайнога прадстаўніцтва", паглыблена праводзіць у жыццё канцэпцыю навуковага развіцця. Ён выказаў спадзяванне, што эканамічна развітая правінцыя Цзянсу зможа першай у краіне завяршыць працэс усебаковай пабудовы сярэднезаможнага грамадства і прыступіць да ажыццяўлення новага этапа мадэрнізацыі.

Ху Цзіньтаа ў сваім выступленні закрануў пытанні навуковага развіцця, трансфармацыі мадэлі эканамічнага развіцця, адзінага планавання развіцця гарадоў і вёсак, паляпшэння дабрабыту насельніцтва, паглыблення рэформ і адкрытасці, а таксама хуткага развіцця і росквіту сацыялістычнай культуры. - 0 -