З такім заклікам ён выступіў падчас удзелу ў дыскусіі дэлегацыі прав. Фуцзянь па дакладзе Ху Цзіньтаа на 18-м з'ездзе КПК.
Хэ Гацян адзначыў, што КПК будзе прасоўваць наперад інстытуцыянальнае будаўніцтва для таго, каб пакараць карупцыю жалезнай рукой. "Неабходна прыкласці намаганні да прыняцця рашучых мер па барацьбе з карупцыяй, якая непасрэдна ўплывае на жыццё насельніцтва", - падкрэсліў ён.
Як адзначыў Хэ Гацян, барацьба супраць карупцыі і садзейнічанне фарміраванню сумленнага і непадкупнага апарата з'яўляюцца важнай часткай партыйнай і дзяржаўнай працы, а таксама важнай гарантыяй для адстойвання і развіцця сацыялізму з кітайскай спецыфікай.
Назваўшы даклад Ху Цзіньтаа ўвасабленнем рашучасці і ўпэўненасці партыі ў вядзенні ўсяго народа па сацыялістычным шляху, Хэ Гацян адзначыў, што ў ім адлюстроўваюцца воля партыі і спадзяванні народа.
Сутнасць гэтага даклада палягае ў тым, каб высока несці вялікі сцяг сацыялізму з кітайскай спецыфікай, бесперапынна ўдасканальваць сацыялістычную сістэму і тэорыю і ўпарта змагацца за поўную пабудову сярэднезаможнага грамадства, сказаў ён, дадаўшы, што даклад з'яўляецца палітычнай праграмай, па якой кітайскі народ будзе атрымліваць новыя перамогі ў новых гістарычных умовах. -0 -