Раніцай 9 лістапада старшыня КНР Ху Цзіньтаа прыняў удзел у групавых дыскусіях дэлегатаў правінцыі Цзянсу па дакладзе, з якім ён выступіў на 18-м з'ездзе КПК. Ху Цзіньтаа адзначыў неабходнасць упэўненага руху наперад па шляху сацыялізму з кітайскай спецыфікай.

Старшыня КНР адзначыў неабходнасць выканання найважнейшай задачы поўнай пабудовы сярэднезаможнага грамадства ў Кітаі да 2020 года. Неабходна паглыбляць эканамічныя рэформы, прытрымлівацца канцэпцыі навуковага развіцця, паскорыць трансфармацыю мадэлі эканамічнага развіцця. Акрамя таго, трэба паскорыць сацыяльнае будаўніцтва падчас выканання задач па паляпшэнні жыцця народа, укараняць інавацыі ў сістэму кіравання. Разам з гэтым, Ху Цзіньтаа заклікаў актыўна ўдзельнічаць і падтрымліваць экалагічнае будаўніцтва, развіваць экалагічна чыстую эканоміку.