Першы ў Кітаі авіяносец "Ляанін" сёння ў першай палове дня ўпершыню прычаліў ў новазбудаваным ваенным порце ў горадзе Ціндаа / правінцыя Шаньдун, Усходні Кітай /, што азначае тое, што кітайскі ваенны порт для авіяносцаў ужо ў стане прыняць гіганцкія ваенныя караблі.
Новая ваенная гавань пабудавана пад кіраўніцтвам ВМС НВАК, на працу пайшло 4 гады. Авіяносец "Ляанін", які ў аўторак адплыў ад прыстані Даляньскага суднабудаўнічага завода ў Паўночна-Усходнім Кітаі, працягне тут наступныя выпрабаванні і трэніроўкі.
"Ляанін" быў афіцыйна перададзены на ўзбраенне ВМС НВАК 25 верасня 2012.
Прыняцце на ўзбраенне войскам першага кітайскага авіяносца дазволіла Кітаю стаць дзесятай у свеце краінай, якая мае ў складзе ўзброеных сіл авіяносец, а таксама апошняй дзяржавай-пастаянным членам СБ ААН, якая атрымала авіяносец.
Да ўступлення ў строй першы кітайскі авіяносец ужо прайшоў хадавыя выпрабаванні на працягу 13 месяцаў, зрабіў 10 выхадаў у адкрытае мора.
Першы кітайскі авіяносец быў створаны на базе недабудаванага савецкага авіянясучага крэйсера "Вараг", набытага ва Украіне ў канцы 90-х гадоў мінулага стагоддзя. Па атрыманых дадзеных, "Вараг" з'яўляецца авіяносцам з традыцыйнымі рухавікамі, яго праектнае стандартнае водазмяшчэнне складае каля 57 тыс. тон, а водазмяшчэнне пры поўнай нагрузцы - 67 тыс. тон, на ім могуць змяшчацца прыкладна 50 самалётаў.-0-