Кітай плануе ліквідаваць Міністэрства чыгунак і падзяліць адміністрацыйныя і гаспадарчыя функцыі ў чыгуначным сектары краіны. Гэта адзначаецца ў праекце рэформы апарату Дзяржсавета КНР і трансфармацыі яго функцый, прадстаўленым сёння на разгляд 1-й сесіі УСНП 12-га склікання.

Згодна з праектам, будзе створана Дзяржаўнае ўпраўленне чыгунак у падпарадкаванні Міністэрства транспарту, а Кітайская генеральная чыгуначная кампанія, якая ствараецца, будзе адказваць за рэалізацыю яго гаспадарчых функцый. - Р -