Кіраўнік аб'яднанай місіі па знішчэнні хімічнай зброі ў Сірыі заявіў, што прагрэс у працы місіі быў зроблены дзякуючы "хуткаму і канструктыўнаму садзейнічанню" Дамаска.

Сігрыд Кааг, спецыяльны каардынатар аб'яднанай місіі Арганізацыі па забароне хімічнай зброі / АЗХЗ / і ААН, зрабіла гэтую заяву падчас сустрэчы з журналістамі пасля яе дакладу Савету Бяспекі ААН пра працу па знішчэнні хімічнай зброі ў ахопленай вайной Сірыі.

"Мы атрымалі багата чаго дзякуючы хуткаму і канструктыўнаму садзейнічанню", - заявіла С. Кааг, адзначаючы прагрэс, які атрымалася дасягнуць місіі непасрэдна на месцы правядзення работ .

Аб'яднаная місія, якая была створана, каб рэалізаваць праграму па знішчэнні хімічнай зброі ў Сірыі найбольш бяспечным спосабам, працягне сваю працу, якую пачалі праводзіць эксперты АЗХЗ і ААН на пачатку гэтага месяца.