Кожны чацвёрты жыхар Беларусі належыць да ўзроставай катэгорыі моладзь ва ўзросце ад 14 да 30 гадоў. Такія звесткі апублікаваў Нацыянальны статыстычны камітэт з нагоды Сусветнага дня моладзі, які адзначаецца 10 лістапада.

На 1 студзеня бягучага года ў Беларусі пражывала 2 мільёны 238,9 тыс. маладых людзей. Найбольш шматлікая група – моладзь ва ўзросце 25-30 гадоў, а гэта 930,1 тыс. чалавек (41,5% агульнай колькасці моладзі). Асобы ва ўзросце 20-24 гадоў складаюць 31,8%, 14-19 гадоў – 26,7%. - Р -