Савет Бяспекі ААН апублікаваў у аўторак заяву, выступіўшы з рэзкім асуджэннем тэрактаў з ужываннем выбуховых прылад, арганізаваных ля іранскага пасольства ў Бейруце.

19 лістапада чарговы старшыня СБ , пастаянны прадстаўнік Кітая пры ААН Лю Цзеі правёў кансультацыйныя перамовы па праблематыцы Блізкага Усходу, падчас якіх абвясціў гэту заяву. У дакуменце выказваецца рэзкае асуджэнне тэрактаў ля іранскага пасольства. СБ выказаў спачуванні сваякам загінуўшых, ураду і насельніцтву Ірана і Лівана.

У заяве ў чарговы раз падкрэсліваецца , што тэрарызм у любой форме яго праявы -- вялікая пагроза міру і бяспецы планеты . Тэрактам як злачынству не можа быць апраўдання не залежна ад таго, дзе і калі яны былі здзейсненыя, якімі матывамі кіраваліся тыя , хто ўдзельнічаў у іх арганізацыі. СБ звярнуў увагу на тое , што вінаватыя павінны быць прыцягнуты да крымінальнай адказнасці , у чарговы раз нагадаўшы пра імунітэт і права недатыкальнасці членаў дыпламатычных місій , а таксама абавязацельствы дзяржаў, на тэрыторыі якіх знаходзяцца замежныя дыпламатычныя місіі.

Арганізацыя звярнулася да насельніцтва Лівана з заклікам захоўваць нацыянальнае адзінства ва ўмовах прадпрымаемых зламыснікамі спробаў падрыву стабільнасці. У заяве падкрэсліваецца , што кожны з зацікаўленых бакоў павінен выконваць свае абяцанні, прытрымліваючыся палітыкі неўмяшання ў сірыйскі крызіс.

Як паведаміла ліванскае міністэрства аховы здароўя , у аўторак раніцай ля размешчанага ў паўднёвай частцы Бейрута іранскага пасольства ў Ліване прагрымелі два выбухі , у выніку якіх загінула не менш за 23 чалавекі , 147 пацярпелых атрымалі раненні.