У штаб–кватэры Паўночнаатлантычнага альянсу ў Брусэлі прайшлі штабныя вучэнні , падчас якіх былі адпрацаваны меры рэагавання НАТА і беларускіх спецыялістаў на надзвычайныя сітуацыі ў перыяд правядзення Чэмпіянату свету па хакеі ў Мінску. Пра гэта паведамілі ў прэс-службе МЗС Беларусі.
Ад Беларусі ў трэніроўцы прыняла ўдзел дэлегацыя прадстаўнікоў МНС , МЗС і міністэрства аховы здароўя. Сумесна з экспертамі дзяржаў-членаў НАТА , краін Савета Еўраатлантычнага партнёрства , а таксама Міжнароднага сакратарыята НАТА адпрацаваны магчымыя варыянты рэагавання на надзвычайныя сітуацыі , якія могуць узнікнуць падчас правядзення буйных спартыўных і масавых мерапрыемстваў. - 0 -