Узброеныя сілы КНДР правялі мітынг для прынясення прысягі, пакляліся абараняць Кім Чэн Ына цаной сваіх жыццяў.

Згодна з паведамленнем інфармагенцтва ЦТАК, на мітынгу начальнік Галоўнага палітычнага ўпраўлення УС КНДР Чхве Рэн Хэ зачытаў тэкст прысягі. Ён падкрэсліў, што Узброеныя сілы будуць шанаваць запавет Кім Чэн Іра, падтрымліваць і цаной сваіх жыццяў абараняць Кім Чэн Ына, які з'яўляецца адзіным цэнтрам згуртавання і кіраўніцтва. Узброеныя сілы заўсёды будуць арміяй Кім Ір Сена, Кім Чэн Іра і Кім Чэн Ына. Зброя КНДР – гэта зброя для абароны Кім Чэн Ына, якой можа кіраваць толькі Кім Чэн Ын. - Р -