Савет Федэрацыі Расіі ратыфікаваў у сераду пагадненне паміж урадамі РФ і КНР аб пашырэнні супрацоўніцтва ў галіне гандлю сырой нафтай, падпісанае ў сакавіку 2013 года.

Як паведамляюць мясцовыя СМІ, дакументам вызначаюцца ўмовы пашырэння супрацоўніцтва паміж краінамі па павелічэнні аб'ёмаў паставак нафты ў Кітай. Пастаўкі сырой нафты ажыццяўляюцца пасля заключэння доўгатэрміновага дагавора (або некалькіх дагавораў) паміж упаўнаважанымі арганізацыямі бакоў тэрмінам на 25 гадоў. Дагавор можа быць падоўжаны яшчэ на 5 гадоў па заканчэнні гэтага тэрміну.

У Міністэрстве энергетыкі РФ падкрэсліваюць, што пагадненне дасць магчымасць забяспечыць будаўніцтва новых і павелічэнне прапускных здольнасцяў дзеючых нафтаправодаў. - Р -