25 снежня ў Мінску пачнуцца навагоднія гулянні. Улады горада запланавалі яркія канцэртныя праграмы, спектаклі, казкі і кірмашы. Пра гэта ў аўторак паведамілі мясцовыя СМІ.

Адкрые праграму шэсце Дзядоў Марозаў і Снягурак ля галоўнай ёлкі краіны. 27 снежня запаліць свае агні галоўная ёлка Беларусі. У Палацы Рэспублікі на навагодняе свята збяруцца больш за паўтары тысячы дзяцей. Плануецца прыезд беларускіх школьнікаў з Вільнюса і Рыгі . Пляцоўка каля Палаца спорту стане цэнтрам святочных мерапрыемстваў у навагоднюю ноч. Мінчан парадуе яркая канцэртная праграма з удзелам папулярных эстрадных выканаўцаў. Кульмінацыяй свята традыцыйна стане феерверк каля стэлы "Мінск - Горад- герой " 1 студзеня ў гадзіну ночы. - 0 -