На прэс-канферэнцыі міжнароднага журы фестывалю яго ўдзельнік акцёр з Сянгана Тоні Люн сказаў, што ўсцешаны выбарам арганізатараў фестывалю і адзначыў інтарэс у свеце да кітайскага кіно. "Таму, -сказаў ён, - цалкам лагічна тое, што сёлета так багата кітайскіх карцін прымае ўдзел у конкурсе і па-за конкурсных рэтраспектывах. Я вельмі ўсцешаны тым, што магу за кароткі час нарэшце паглядзець кіно і пагаварыць пра яго са сваімі цудоўнымі калегамі па журы".

Дарэчы, старшынёй журы на гэты раз стаў амерыканскі кінапрадзюсер Джэймс Шамус (вядомы сваёй работай над фільмам «Гарбатая Гара» ) у кампаніі акцёраў Крыстафа Вальца і Тоні Люна, прадзюсара фільмаў пра Бонда Барбары Брокалі, актрыс Трыны Дзюрхольм і Грэты Гервіг, іранскай сцэнарысткі і мастачкі Мітры Фарахані і рэжысёра Мішэля Гандры .