У панядзелак у Мінску адкрылася выстава тавараў з кітайскай правінцыі Ганьсу.

На выставе прадстаўлены прадукты фармацэўтыкі, адзенне, касметыка, насенне кветак і лячэбныя травы. Усяго больш за 300 відаў прадукцыі ад паўсотні прадпрыемстваў. Гэта першая для беларусаў магчымасць пазнаёміцца з таварамі кітайскай правінцыі. На ўрачыстым адкрыцці выставы прысутнічаў намеснік прэм'ер-міністра Беларусі Анатоль Тозік.

Кіраўніцтва Ганьсу зацікаўлена ў развіцці супрацоўніцтва з Беларуссю, у прыватнасці, у лёгкай прамысловасці, машынабудаванні і металургіі.

Выстава тавараў з правінцыі Ганьсу працягнецца да 21 жніўня. --0--