У Кыргызстане на міжнародным форуме "Ісык-Куль-2014" абмеркаваны пытанні стварэння эканамічнага пояса Шаўковага шляху.
Удзельнікі форуму абмеркавалі пытанні двухбаковага супрацоўніцтва ў рамках прапанаванай старшынёй КНР Сі Цзіньпінам ініцыятывы па сумесным будаўніцтве эканамічнага пояса Шаўковага шляху. Прадстаўнікі краін-удзельніц форуму прэзентавалі эканамічныя магчымасці сваіх краін і кампаній, інвестыцыйныя праекты. Яны таксама азнаёміліся з прыярытэтнымі напрамкамі міжнароднага і рэгіянальнага супрацоўніцтва ў гандлёва-эканамічнай галіне і інвестыцыйнымі магчымасцямі краін-удзельніц.
Форум, які прайшоў на ўзбярэжжы возера Ісык-Куль 18-19 жніўня, сабраў прадстаўнікоў урадавых арганізацый, бізнес-колаў і дыпламатычных прадстаўніцтваў Кыргызстана, Кітая, Расіі, Казахстана, Бангладэш. Па выніках форуму падпісана Сумеснае камюніке, у якім адзначана важная роля бізнес-сектара для рэалізацыі міжнародных, рэгіянальных і нацыянальных ініцыятыў у розных галінах эканомікі. - Р -