Беларус Яўген Цуркін выйграў "золата" на чэмпіянаце Еўропы па плаванні. Пра гэта ў сераду паведамілі мясцовыя СМІ.
Беларус першынстваваў на дыстанцыі 50 метраў батэрфляем і падзяліў вышэйшую прыступку п'едэстала разам з французам Фларанам Манаду. Плыўцы паказалі абсалютна ідэнтычны час - 23,00 секунды.
Для зборнай Беларусі гэта першы медаль на гэтым чэмпіянаце Еўропы. У медальным заліку чэмпіянату зборная Беларусі на дадзены момант дзеліць 5-е месца з камандамі Сербіі і Венгрыі, плыўцы якіх таксама па разу падымаліся на вышэйшую прыступку п'едэстала гонару. Лідарства захапілі прадстаўнікі Вялікабрытаніі, якія маюць 3 "золата", 3 "срэбра" і 3 "бронзы". --0--