Форум ААН па энергаэфектыўным асвятленні, арганізаваны Праграмай ААН па навакольным асяроддзі, прайшоў у Пекіне.
Палітычныя дзеячы і спецыялісты, якія прынялі ўдзел у форуме, прыйшлі да адзінства меркаванняў і пагадзіліся паскорыць прымяненне перадавых асвятляльных тэхналогій з мэтай скарачэння выкідаў парніковых газаў, а таксама паляпшэння жыцця і сродкаў існавання мільёнаў людзей, для якіх зараз недаступна чыстае, надзейнае асвятленне.
На форуме прысутнічалі 200 прадстаўнікоў энергетычнай галіны, вытворцаў першакласнага асвятляльнага абсталявання, банкаў, фінансавых структур і міжнародных арганізацый з 60 краін.
Як паведамляецца, прымяненне энергаэфектыўнага асвятлення ва ўсіх прамысловых структурах дазволіць значна скараціць спажыванне энергіі. Шырокае выкарыстанне энергаэфектыўных лямпаў і асвятляльнага абсталявання на прадпрыемствах дасць магчымасць штогод эканоміць больш за 120 млрд. долараў, якія расходуюцца светам на электраэнергію. - Р -