Арыентыровачна ў 2020 годзе кітайская спадарожнікавая навігацыйная сістэма "Бэйдоу", у якую да таго моманту ўвойдуць пяць геастацыянарных і 30 іншых спадарожнікаў, зможа даваць паслугі спадарожнікавай навігацыі і наземнага пазіцыянавання карыстальнікам усяго свету. Пра гэта паведаміў старшыня праўлення Кітайскага аб'яднання касмічных тэхналогій Лэй Фаньпэй.
Паводле яго слоў, да гэтага часу, дзякуючы паспяховым запускам чатырох эксперыментальных і 16 навігацыйных спадарожнікаў, ужо сфарміравана рэгіянальная сетка сістэмы "Бэйдоу".
Сістэма "Бэйдоу" – трэцяя пасля GPS і ГЛОНАСС глабальная сістэма навігацыі, яна зможа ахапіць увесь зямны шар і прадастаўляць паслугі пазіцыяніравання, навігацыі, дакладнага часу, тапаграфіі, тэлекамунікацыі і папярэджання аб стыхійных бедствах. - Р -