Прэм'ер Дзяржсавета КНР Лі Кэцян сёння ў другой палове дня правёў тэлефонную размову з канцлерам Германіі Ангелай Меркель.

Кіраўнікі ўрадаў дзвюх краін павіншавалі адзін аднаго з надыходзячым Новым годам. Лі Кэцян заявіў, што наступны год будзе Годам інавацыйнага супрацоўніцтва паміж Кітаем і Германіяй, бакі таксама правядуць такія важныя мерапрыемствы, як фінансавы дыялог на высокім узроўні, стратэгічны дыялог па знешніх сувязях і бяспецы. Лі Кэцян выказаў спадзяванне, што ў сувязі з гэтым міждзяржаўныя адносіны атрымаюць новае развіццё.

Лі Кэцян распавёў аб трэцяй сустрэчы кіраўнікоў Кітая і краін Цэнтральнай і Усходняй Еўропы ў Белградзе, адзначыўшы, што супрацоўніцтва Кітая з краінамі Цэнтральнай і Усходняй Еўропы з'яўляецца неад'емнай часткай кітайска-еўрапейскіх адносін. Адпаведнае супрацоўніцтва будзе развівацца ў рамках стандартаў Еўрасаюза і прававых нормаў і будзе спрыяльным для збалансаванага развіцця краін ЕС і працэсу інтэграцыі ў ЕС.

А.Меркель падзякавала Кітаю за падтрымку ў правядзенні маючага адбыцца Гановерскага кірмашу і адзначыла, што Германія паважае мадэль развіцця супрацоўніцтва паміж Кітаем і краінамі Цэнтральнай і Усходняй Еўропы. Германія мае намер працягваць адыгрываць актыўную стымулюючую ролю ў развіцці адносін паміж ЕС і Кітаем. - Р -