72-гадзінны бязвізавы рэжым для замежнікаў уводзіцца ў адміністрацыйным цэнтры цэнтральнай кітайскай правінцыі Хубэй – горадзе Ухань з пачатку сакавіка. Пра гэта паведамілі мясцовыя ўлады.
У адпаведнасці з новым рэжымам замежнікі могуць знаходзіцца ва Ухане без кітайскай візы на працягу 72 гадзін, калі яны накіроўваюцца ў трэцюю краіну або рэгіён транзітам праз Уханскі міжнародны аэрапорт "Цяньхэ", у якім зараз дзейнічае 24-гадзінны бязвізавы рэжым, згодна з якім замежнікі могуць знаходзіцца на тэрыторыі аэрапорта без афармлення візы на працягу сутак.
Ухань стане дзявятым кітайскім горадам з 72-гадзінным бязвізавым рэжымам услед за Пекінам, Шанхаем, Гуанчжоу, Чуньцінам, Чэнду, Далянем, Шэньянам і Сіанем. Такая палітыка накіравана на спрашчэнне міжнароднага доступу ў горад.
Паводле інфармацыі правінцыйнага ўпраўлення па справах турызму, турыстычныя агенцтвы распрацоўваюць планы і спецыяльныя паслугі ў сувязі з чаканым павелічэннем турыстычнага патоку.
Сёлета плануецца адкрыць новыя прамыя авіярэйсы паміж Уханем і Мельбурнам, Чыкага і Дубаем, паведамілі ў аэрапорце "ЦяньхэЦ, які абслугоўвае 31 унутраны і міжнародны рэйс. - Р -