57 дзяржаў сталі краінамі-заснавальніцамі Азіяцкага банка інфраструктурных інвестыцый, паведамілі ў Міністэрстве фінансаў КНР.
Як адзначыў намеснік міністра фінансаў Кітая Шы Яабінь, усе 57 краін, якія да канца сакавіка бягучага года падалі заяўкі на далучэнне да АБІІ, прайшоўшы прадугледжаную шматбаковую працэдуру, сталі афіцыйнымі краінамі-заснавальніцамі АБІІ. Сярод іх – 37 краін Азіі і Акіяніі, 20 дзяржаў Еўропы, Лацінскай Амерыкі і Афрыкі.
АБІІ – адкрыты, талерантны шматбаковы банк развіцця. Падчас будучых перамоў і кансультацый па распрацоўцы статута банка бакі абмяркуюць пытанні, якія тычацца парадку і правіл прыняцця новых членаў, дадаў Шы Яабінь. - Р -