Існуюць многія спосабы прыгатаванння такіх лекавых настоек. Да прыкладу, спосаб халоднага настойвання: у сасуд кладуць пэўную колькасць лекавага збору, заліваюць алкаголем і шчыльна зачыняюць. На пряцягу тыдня атрыманую масу кожны дзень перамешваюць, пасля – раз на тыдзень. Праз месяц усё пераліваецца ў іншыя сасуды: вадкасць – на адстойванне, а расліны з настойкі – пад прэс. Сок і алкагольную вадкасць змешваюць, дадаюць пэўную колькасць цукру або мёд, закупорваюць і пакідаюць на два тыдні. Пасля атрыманую настойку працэджваюць, і яна гатова для спажывання. Спосаб тэрмічнага настойвання заключаецца ў тым, што лекавыя травы ў марлевым мяшочку падвешваюць у верхняй частцы ўнутры сасуда, запаўняюць алкаголем і шчыльна закрываюць; усё гэта разам ставяць у спецыяльныя, напоўненыя вадой, катлы і трымаюць на пары на маленькім агеньчыку. Праз 5 сутак сасуд дастаюць, ахалоджваюць і зноў паўтарюць увесь працэс. Ёсць і іншыя спосабы з больш складанай тэхналогіяй вытворчасці.