Выкладаць артыстычнае майстэрства запрошаны артысты пекінскай оперы: Мэй Баацзю, Ю Куэйчжы, Лі Шэнсу, Мэн Гуанле, Ху Вэньгэ, Хоу Мэй, Тань На, Чжан Кай, Чжан Шаапэн, Чжан Цзяньфэн і іншыя. Усе яны будуць вучыць дзяцей і перадаваць юным артыстам свой вопыт.
Арганізатары таксама заявілі, што ў канцы трохтыднёвай праграмы навучання юныя артысты пакажуць свае веды і выканаюць на вялікай сцэне два ўрыўкі з оперы «Чырвоная скала» і з іншых пастановак. Акрамя таго, запланавана далучыць да сцэнічных дзеяў мультымедыйныя сродкі: калі юныя артысты выйдуць на сцэну, на экране за іх спінамі адначасова будуць паказваць відэа з вядомымі артыстамі пекінскай оперы ў гэтых жа вобразах. Такое падарожжа ў часе, на думку арганізатараў і рэжысёраў, прывабіць гледачоў і зробіць на іх моцнае ўражанне.