У сёлетнім журы аднаго з прэстыжных оперных конкурсаў – вядомыя імпрэсарыа, дырэктары тэатраў, дырыжоры з Кітая, ЗША, Францыі, Аўстрыі, Манака, Іспаніі, Германіі, Канады. Менавіта яны, на чале з маэстрам Пласіда Дамінгам будуць вызначаць пераможцаў сярод 40 адабраных прэтэндэнтаў.

Першыя два туры прайшлі, і ў паўфінал выйшлі дваццаць маладых спевакоў. Найбольшая колькасць удзельнікаў з Кітая і Расіі – 7 і 6 маладых выканаўцаў, якія мараць праспяваць перад маэстрам і публікай, а таксама імкнуцца да вялікай міжнароднай кар'еры.

Адметным на конкурсе з вялікім бюджэтам і колькасцю ўзнагарод з'яўляецца і прыз публікі, паводле слоў Пласіда Дамінгі, які выказаў спадзяванне, што юбілейная Operalia знойдзе новыя таленты і цудоўныя галасы, што стануць упрыгажэннем сусветнай опернай сцэны.

Вольга Гальпяровіч, Беларуская служба МРК