Пячатка імператара Кансі

Неназваны кітайскі калекцыянер набыў на аўкцыёне ў французскай Тулузе трохкілаграмовую імператарскую пячатку за 4,7 мільёна еўра. Для твораў дэкаратыўна-прыкладнога мастацтва гэтага тыпу такая сума – сусветны рэкорд. Стартавая цана на пячатку, якая належала імператару Кансі (дынастыя Цін), складала 300 тысяч еўра. Арганізатары аўкцыёну адзначылі, што фінальны кошт прадмета быў прадыктаваны жаданнем пакупніка вярнуць "страчаную" гістарычную рэліквію ў Кітай.

Імператар Кансі, дынастыя Цін (04.05.1654 – 20.12.1722)

Як менавіта пячатка Кансі, якая захавалася разам з лакавым футаралам, трапіла ў Францыю, не вельмі зразумела: аўкцыяніст Эрве Шасэн знайшоў яе ў каморы адной заможнай тулузскай сям'і, якая нават не мела прадстаўлення ні пра прызначэнне прадмета, ні пра яго кошт. - Р -

(Р.Мышкоўскі, паводле інтэрнэт-публікацый)