У 70 кіламетрах на паўднёвы ўсход ад адміністратыўнага цэнтра правінцыі Хэбэй горада Шыцзячжуан, у павеце Цзінсін узвышаецца гара Цан'яньшань. Яе стромыя скалы з павільёнамі і альтанкамі, глыбокія ўпадзіны і цясніны, мяккі клімат, мноства помнікаў старажытнай культуры прыцягваюць да сябе людзей. Гара Цан'яньшань і яе наваколле (плошча 180 квадратных кіламетраў) - адзін з маляўнічых раёнаў краіны.