У Пекіне адкрылася алімпійская вёска зімовых Гульняў
У Пекіне алімпійская вёска гатовая прыняць удзельнікаў зімовых Гульняў. Арганізатары паклапаціліся аб камфорце і бяспецы спартсменаў. Супрацьэпідэмічныя меры застаюцца ў прыярытэце.
Менеджар па абслугоўванні пастаяльцаў алімпійскай вёскі ў Пекіне Лі Бінь адзначыў, што ў гасцінічных нумарах усё прадумана з пункту гледжання даступнасц: вышыня разетак, поручняў у душавых і інш. Да паслуг спартсменаў – сучасныя трэнажорныя залы.
Госці Алімпіяды змогуць больш даведацца аб традыцыйнай кітайскай медыцыне і паглядзець інтэрактыўнае апавяданне аб алімпійскай гісторыі Пекіна. Зімовая алімпійская вёска ўжо гатовая адчыніць дзверы для спартсменаў з усяго свету.