Медыякарпарацыя Кітая атрымала эксклюзіўныя правы на трансляцыю гала-канцэрта з нагоды свята Вясны

Медыякарпарацыя Кітая атрымала эксклюзіўныя правы на правядзенне і трансляцыю гала-канцэрта з нагоды свята Вясны. Пра гэта гаворыцца ў заяве кампаніі.

Адзначаецца, што аўтарскія правы распаўсюджваюцца і на гала-канцэрты мінулых гадоў. Без афіцыйнага дазволу Медыякарпарацыі ніводная арганізацыя або фізічная асоба не могуць выкарыстоўваць аўдыё-, відэазапісы гэтых канцэртаў, у тым ліку фрагменты. Як гаворыцца ў дакуменце, з дня публікацыі гэтай заявы Медыякарпарацыя ўводзіць дадатковыя меры па абароне сваіх законных правоў і інтарэсаў.