Шанхайскі кіберспартыўны турнір па Dota 2 прайшоў пад эгідай МАК

Пяць алімпійскіх кольцаў -- вядомы ва ўсім свеце сімвал спартыўнага духу і барацьбы за першынство. Але замест спаборніцтваў па бегу ці плаванні пад дахам стадыёна ў Шанхаі праходзіць турнір па Dota 2. Гэта першыя кіберспартыўныя спаборніцтвы ў Кітаі пад эгідай Міжнароднага алімпійскага камітэта. Яго арганізатары з Perfect World поўныя аптымізму і будуюць планы на прызнанне кіберспорту алімпійскай дысцыплінай.

Генеральны дырэктар кампаніі-арганізатара кіберспартыўных турніраў Perfect World Роберт Сяа: "Спачатку хацелі б пераканацца, што звычайныя гледачы могуць глядзець і разумець кіберспорт, таму мы падрыхтавалі шмат навучальных і асветніцкіх матэрыялаў".

У 2018-ым кіберспорт упершыню ўвайшоў у праграму Азіяцкіх гульняў у Джакарце, але па-за медальным залікам. Сёлета ён дэбютуе ў кантынентальным турніры ўжо як самастойная дысцыпліна. На думку экспертаў, у будучыні індустрыя кіберспорту сфарміруе афіцыйныя кантынентальныя або глабальныя федэрацыі для стандартызацыі правілаў і назваў дысцыплін. Кітай -- адзін з найбуйнейшых у свеце рынкаў кіберспорту і, несумненна, будзе адыгрываць цэнтральную ролю ў гэтым працэсе.

У верасні ў кітайскім Ханчжоу разыграюць восем камплектаў кіберспартыўных узнагарод. Dota 2 -- адна з дысцыплін, што дэбютуе на летніх Азіяцкіх гульнях 2022-га. Бітва за медалі ўжо блізка!