У Нацыянальнай акадэміі жывапісу праходзіць выстава работ, прысвечаных зімовым відам спорту
У Нацыянальнай акадэміі кітайскага жывапісу адкрылася выстава на тэму зімовых Алімпійскіх гульняў 2022 года. На стварэнне работ аўтараў экспазіцыі натхнілі поспехі кітайскай зборнай і заснежаныя краявіды алімпійскіх трас.
Дырэктар мастацкага музея Нацыянальнай акадэміі кітайскага жывапісу Фан Ту адзначыў: "Я выявіў, што спартыўны дух і стварэнне карцін падобныя. І спартсмены, і артысты кідаюць выклік сваім межам і рассоўваюць межы дазволенага".
На падрыхтоўку выставы спатрэбілася паўгода. Натхненне мастакі чэрпалі ў снежных гарах раёна Чунлі горада Чжанцзякоу -- аднаго з месцаў правядзення сёлетніх зімовых Алімпійскіх гульняў.
Улады Кітая першапачаткова ставілі задачу выкарыстання Алімпійскіх гульняў для папулярызацыі ў краіне зімовых відаў спорту. Гэта выстава таксама заклікана натхніць гледачоў на актыўны лад жыцця.
На выставе таксама прадстаўлены карціны алеем, разныя пячаткі, гравюры і каліграфія -- усяго больш за дзве сотні работ.
(Крыніца фота: CFP)