Кітай выйшаў на другое месца ў свеце па попыце на аўдыёкнігі

У Кітаі ў апошнія гады адзначаюць рост папулярнасці аўдыёкніг, па колькасці іх пакупак краіна ўжо на другім месцы ў свеце пасля ЗША.

У першыя гады пасля з'яўлення аўдыёкніг у Кітаі яны распаўсюджваліся праз інтэрнэт бясплатна. Карыстальнікі самі загружалі іх на платформы без захавання аўтарскіх правоў. Але часы змяніліся – зараз неліцэнзійныя аўдыёкнігі выдаляюцца. Рынак становіцца ўсё больш празрыстым. Але запатрабаванне ў кантролі коштаў і якасці па-ранейшаму існуе.

Даследаванні ў Кітаі паказваюць, што лягчэй успрымаюцца на слых кнігі аб пап-культуры, псіхалагічнай самадапамозе і журналістыка.