Адкрыццё першай выставы інавацый і тэхналогій Beyond Expo адбылося ў віртуальным фармаце

Выстава інавацый і тэхналогій пад назвай Beyond Expo адкрылася ў Аамэне. Мерапрыемства праходзіць першы раз, але абяцае стаць штогадовым.

Усё аб тэхналогіях і інавацыях. Новыя трэнды і тое, як яны мяняюць наша жыццё. Пра гэта прадстаўнікі буйнога бізнесу, навукоўцы і эксперты гаварылі на цырымоніі адкрыцця ЭКСПА, якая прайшла ў анлайн-фармаце.

Генеральны дырэктар Ping An Group Джэсіка Тан адзначыла: "Я думаю, гэтая пандэмія паказала, што ёсць шмат магчымасцяў для дыгіталізацыі, яна здольная паскорыць тое, што мы робім у многіх галінах".

Вялікую ўвагу выступаючыя звярнулі і на экалагічную тэматыку.

Прэзідэнт Google Asia Pacific Скот Бамант сказаў: "Сёння новыя тэхналогіі павінны стаяць на барацьбе са змяненнем клімату. Google робіць заяву: мы хочам стаць свабоднымі ад вугляроду да канца дзесяцігоддзя. Мы не зусім упэўненыя ў тым, што ўсё, што адбываецца, прывядзе нас да пастаўленай мэты, але мы робім канкрэтныя крокі, каб удасканальвацца па меры далейшага росту. Я думаю, што важна спрабаваць і ўстанаўліваць стандарты".

Каардынатар ААН у Кітаі Сідхарт Чатэрджы выказаў сваю думку: “Заканадаўства і кантроль удасканальваюцца. І яны дагоняць тыя кампаніі, якія праваляць гэты тэст. А тыя, хто зноў і зноў будуць даказваць сваю прыхільнасць экалагічнаму і ўстойліваму развіццю, будуць узнагароджаны рынкам. Устойлівае развіццё выгадна чалавецтву. ".

"Што далей?" - так гучыць тэма панэльных анлайн-дыскусій, якія працягнуцца тры тыдні. Іх удзельнікі будуць гаварыць пра інвестыцыі, медыцыну, штучны інтэлект, "разумныя гарады", 5G-тэхналогіі, фінтэх і шмат аб чым іншым. Гэтым жа тэмам будуць прысвечаны экспанаты выставы, у афлайн-фармаце іх можна будзе ўбачыць у Аамэне на пачатку снежня. Арганізатары мерапрыемства ўпэўнены, што яно стане важнай платформай для абмену ідэямі і наладжвання супрацоўніцтва па самых актуальных праблемах сучаснасці.