На зімовых Гульнях-2022 у Пекіне будзе выкарыстана канцэпцыя нізкавугляроднага кіравання

На зімовых Гульнях 2022 года ў Пекіне рэалізуецца канцэпцыя нізкавугляроднага кіравання, паведамілі ў Пекінскім аргкамітэце зімовых Алімпійскіх і Паралімпійскіх гульняў 2022 года. Згодна з планам, больш за 80% транспартных сродкаў на тэрыторыі правядзення спаборніцтваў і пражывання ўдзельнікаў будуць функцыянаваць з дапамогай альтэрнатыўных крыніц энергіі.

Афіцыйны прадстаўнік Пекінскага аргкамітэта зімовых Гульняў Янь Цзяжун адзначыў: "Ідэя чыстай энергіі будзе выкарыстана максімальна на ўсіх існуючых пляцоўках, што стане адметнай рысай Алімпіяды. Мы прыменім нізкавугляродныя тэхналогіі ў "Птушыным гняздзе" падчас цырымоній адкрыцця і закрыцця Гульняў. Усё -- для скарачэння выкідаў вуглякіслага газу пры правядзенні Гульняў і дасягнення вугляроднай нейтральнасці".