Т. Бах: Гульні ў Пекіне назаўжды зменяць зімовыя віды спорту

Прэзідэнт Міжнароднага алімпійскага камітэта Томас Бах адзначыў, што Алімпіяда ў Пекіне стане спадчынай усёй глабальнай сферы зімовых відаў спорту, а сама сфера фундаментальна зменіцца пасля зімовых гульняў з-за ўцягвання ў снежныя і лядовыя віды спорту больш за 300 млн кітайцаў.

«Гэта надзвычайны вынік, вялікі патэнцыял для працы міжнародных спартыўных федэрацый. Вельмі рады чуць, што многія з іх ужо дасягнулі пагадненняў з кітайскімі калегамі, каб зрабіць гэту цікавасць да спорту ўстойлівай і пастаяннай», -- адзначыў прэзідэнт МАК.