​Каментар: Сусветнай супольнасці відавочныя крывадушнасць і хлусня ЗША ў пытаннях правоў чалавека

На 36-й сесіі рабочай групы Савета па правах чалавека (СПЧ) ААН, якая прайшла 9 лістапада ў Жэневе, прадстаўнікі больш чым 110 краін раскрытыкавалі сітуацыю з правамі чалавека ў ЗША і вылучылі прапановы па яе паляпшэнні.

У той жа дзень у ЗША колькасць выпадкаў заражэння каронавірусам перавысіла адзнаку ў 10 млн, пры гэтым памерла ад COVID-19 больш за 240 тыс. чалавек

Факты паказваюць, што сітуацыя з правамі чалавека ў ЗША не проста жудасная, гэта сапраўдная катастрофа. Асноўныя правы амерыканцаў на жыццё, здароўе і асабістае развіццё абсалютна нічым не гарантаваныя. Амерыканскія палітыкі ставяць палітыку, выбары і асабістыя інтарэсы вышэй за правы ўласнага народа на жыццё. Яны палітызавалі каронавірус, перакладаюць адказнасць за свае памылкі на іншыя краіны і арганізацыі і адмовіліся ад разумных прапаноў спецыялістаў.

Газета The Washington Post назвала бяздзейнасць амерыканскай адміністрацыі «масавым забойствам, санкцыянаваным урадам». Галоўнымі пацярпелымі чалавечай трагедыі ў ЗША з'яўляюцца пажылыя людзі, этнічныя групы і меншасці. Паводле даных выдання The New York Times, на старых з дамоў састарэлых прыпадае трэць ад памерлых ад каронавіруса. Пажылых людзей бязлітасна кінулі на волю лёсу, пакінулі паміраць. Але на гэта прадстаўнікі амерыканскай эліты увагу не звярталі і ўпарта не звяртаюць. Так, намеснік губернатара штата Тэхас Дан Патрык падтрымаў ініцыятыву аб аднаўленні амерыканскай эканомікі нягледзячы на пагрозу жыццю і бяспецы людзей сталага ўзросту.

Паводле апошніх статыстычных даных Цэнтраў па кантролі і прафілактыцы захворванняў ЗША, ва ўзроставай групе ад 30 да 39 гадоў смяротнасць ад COVID-19 сярод лацінаамерыканцаў і афраамерыканцаў складае 38,4% і 27,9% адпаведна, што нашмат вышэй, чым 20,2% сярод прадстаўнікоў белай расы.

Амерыканскі фонд The Century Foundation, які ахоплівае многія галіны дзяржаўнай палітыкі, нядаўна апублікаваў справаздачу, у якой гаворыцца, што кожную тыдзень ад каронавіруса памірае «незлічоная колькасць» прадстаўнікоў каляровых рас. «Шмат якіх смерцяў ад каронавіруса можна было б пазбегнуць за кошт своечасовага і эфектыўнага лячэння», - адзначаецца ў справаздачы.

Факты паказваюць, што высокая смяротнасць ад каронавіруса сярод каляровага насельніцтва ў ЗША звязана са структурным расізмам і палітычным крызісам. Больш за тое, неаднаразовыя выпадкі шакавальнага гвалту з боку паліцыі ЗША ў адносінах да афраамерыканцаў выклікалі выбух грамадскага абурэння і масавыя беспарадкі.

Пры гэтым дзяржсакратар ЗША Майк Пампея працягвае настойваць на тым, што ў краіне не толькі абмяркоўваюць праблемы ў галіне правоў чалавека, але і шануюць і абараняюць іх.

Аднак усяму свету становіцца зразумела, што Злучаныя Штаты парушаюць і топчуць правы чалавека ў сябе ў краіне і па ўсім свеце. Перад тварам няўдач і правалаў ЗША неабходна сур'ёзна разабрацца з унутранымі праблемамі.