Вышэйшы заканадаўчы орган Кітая прызначыў дату чарговай сесіі ПК УСНП

25-я сесія Пастаяннага камітэта Усекітайскага сходу народных прадстаўнікоў 13-га склікання пройдзе ў Пекіне з 20 па 22 студзеня. Такое рашэнне прынята ў аўторак на 81-м пасяджэнні старшыні і намеснікаў старшыні ПК УСНП 13-га склікання, якое ўзначаліў старшыня ПК УСНП Лі Чжаньшу.

Удзельнікі пасяджэння прапанавалі разгледзець на чарговай сесіі ПК УСНП праект перагляду закона аб адміністрацыйных пакараннях, а таксама праект закона аб берагавой ахове.

Як чакаецца, на пасядэнні абмяркуюць прапановы па праекце закона аб прававой дапамозе, унясенне паправак у закон аб адукацыі і праект рашэння аб заснаванні ў Пекіне фінансавага суда.