Экспартныя перавозкі прадукцыі беларускіх прадпрыемстваў у Кітай у кантэйнерах выраслі ў 1,7 раза

Экспартныя перавозкі прадукцыі беларускіх прадпрыемстваў у Кітай у кантэйнерах за 2020 год выраслі ў 1,7 раза і склалі больш за 22 тыс. кантэйнераў, паведамілі ў аўторак у прэс-цэнтры Беларускай чыгункі.

Паводле інфармацыі ведамства, забяспечана прадастаўленне поўнага комплексу транспартна-лагістычных паслуг, наладжаны кантакты і партнёрскія адносіны з 15 кітайскімі правінцыямі, што дае магчымасць арганізаваць дастаўку беларускай прадукцыі як да чыгуначных станцый, так і далей аўтатранспартам у любую кропку Кітая.

У ведамстве таксама лічаць, што перспектыўным напрамкам развіцця кантэйнерных перавозак застаюцца перавозкі Кітай-Еўропа-Кітай, у рамках якіх за 2020 год па тэрыторыі Беларусі прайшло больш за 550 тыс. кантэйнераў, што ў 1,6 раза больш, чым у 2019 годзе.