Эксперт: Аўстралія выкарыстоўвае двайныя стандарты ў дачыненні да эпідэміі ў Кітаі і ў Вялікабрытаніі

14 студзеня Сянганская газета South China Morning Post апублікавала артыкул аўстралійскага фінансавага аналітыка, старшыні прадстаўніцтва Паўночнай тэрыторыі Аўстралійска-Кітайскага дзелавога савета Дэрыла Гупі, у якім ён сказаў, што ў падыходзе Аўстраліі да эпідэміі ў Кітаі і Вялікабрытаніі праявіліся падвойныя стандарты, заснаваныя на пазіцыях каланіялізму і расізме.

У артыкуле гаворыцца, што 20 верасня 2020 года ў графстве Кент ў Англіі ўпершыню быў выяўлены штам каронавіруса, які муціраваў, аднак толькі 14 снежня міністр аховы здароўя Вялікабрытаніі Мэт Хэнкак публічна прызнаў, што гэты штам мае высокую кантагіёзнасць.

«Калі гэта здарылася б у Кітаі, то заходнія СМІ адразу абрынуліся б на яго з абвінавачваннямі ў прыхаванні інфармацыі. Аднак у выпадку з Вялікабрытаніяй прайшло амаль тры месяцы, пакуль гэтая краіна не паведаміла свету пра мутацыі віруса, а заходні свет, уключаючы Аўстралію, «закрылі на гэта вочы», - гаворыцца ў артыкуле.

У ім таксама паказваецца, што ў самым пачатку эпідэміі ў лютым мінулага года Аўстралія хутка ўвяла абмежавальныя меры ў дачыненні да авіярэйсаў з Кітая. А ў выпадку з муціраваным вірусам, выяўленым у Вялікабрытаніі, аўстралійскі бок не забараніў уезд брытанскім грамадзянам. Відавочна, што Аўстралія кіруецца падвойнымі стандартамі ў падыходзе да эпідэміі ў Кітаі і ў Вялікабрытаніі. Такі падыход негатыўна ўплывае не толькі на нармальныя адносіны Аўстраліі і Кітая, але і на адносіны Аўстраліі з іншымі краінамі.

«Хоць яны і не прызнаюць, але менавіта расізмам прадыктаваныя важныя рашэнні Аўстраліі. Выяўлены ў Вялікабрытаніі муціруючы штам каронавіруса стаў праверкай на шчырасць дыпламатычнай палітыкі Аўстраліі ў дачыненні да азіяцкіх краін, а таксама выявіў сур'ёзныя промахі ў знешнепалітычным курсе краіны », - рэзюмуе Дэрыл Гупі.