Кітай асудзіў Вялікабрытанію за праграму іміграцыі для жыхароў Сянгана
«Урад Вялікабрытаніі настойвае на здзяйсненні палітычных маніпуляцый па пытанні, якое датычыцца пашпартоў BNO. Яго дзеянні відавочна супярэчаць уласным абавязацельствам не ўмешвацца ў справы Сянгана і ва ўнутраныя справы Кітая ў цэлым», — заявіў афіцыйны прадстаўнік МЗС КНР Чжаа Ліцзянь, каментуючы тое, што 31 студзеня 2021 года ўрад Вялікабрытаніі зменіць палітыку для ўладальнікаў пашпартоў BNO і пашырыць іх права на жыхарства. Брытанскі бок запусціць праграму выдачы асаблівых віз жыхарам Сянгана, што дасць ім і іх сем'ям магчымасць пераехаць у Вялікабрытанію і ў далейшым стаць грамадзянамі гэтай краіны. Пры гэтым скарыстацца новаўвядзеннем змогуць не толькі ўладальнікі дзеючых пашпартоў BNO.
«Кітайскі ўрад і народ непахісныя ў сваёй рашучасці супрацьстаяць любым знешнім сілам, што ўмешваюцца ў справы Сянгана, сваёй рашучасці абараняць нацыянальны суверэнітэт, бяспеку і інтарэсы развіцця. Будучыня Сянгана абавязкова стане бліскучай», — сказаў спікер кітайскага МЗС.